Պարարվեստի հարգելի գործիչներ,

1982 թվականից սկսած ապրիլի 29-ը նշվում է որպես Պարի միջազգային օր: Տոն, որ բոլորիս հնարավորություն է տալիս ևս մեկ անգամ ամփոփելու ոլորտում կատարված աշխատանքները, գնահատելու ձեռքբերումները, արժևորելու ոլորտի երախտավորներին՝ երախտիքի խոսք հղելով պարարվեստում ունեցած մեծ ավանդի համար:

Սիրելի հայրենակիցներ,

Այսօր մենք ոգեկոչում ենք Հայոց ցեղասպանության սուրբ նահատակների հիշատակը: Ցեղասպանություն, որին անմեղ զոհ դարձավ 1.5 մլն հայ: Մեկ դարից ավելի է անցել այն օրից, երբ Օսմանյան Թուրքիայի կողմից ծրագրվեց և իրագործվեց սարսափելի մի ոճրագործություն, որն ուղղված էր հայ ժողովրդի բնաջնջմանը: Հայի ինքնության վերացման դեմ ուղղված սարսափելի ոճիրն առ այսօր յուրաքանչյուր հայի հոգում դրոշմված է որպես խորը և անդառնալի իրողություն:

Ապրիլի 23-ին Գյումրու քաղաքապետ Սամվել Բալասանյանն ընդունեց Իսրայել-Հայաստան առեւտրային պալատի նախագահ Ցվի Կան-Տորին և իսրայելական «ԼՈՋԻՍՏԻՔ ԷՖ ԹԻ ԶԻ» ՍՊԻ տնօրեն Հայկ Մաղաքյանին: Հանդիպման ընթացքում կողմերը խոսեցին Գյումրիի տարածքում նախատեսված լոգիստիկ ազատ տնտեսական գոտու (այսուհետ՝ «Լոգիստիկ ԱՏԳ»), դրա իրագործման ուղղությամբ տարվող աշխատանքների ընթացքի, առաջիկա անելիքների և մի շարք այլ հարցերի մասին: Ցվի Կան-Տորն իր խոսքում նշեց, որ վերը նշված ծրագրի հայտն առաջիկա օրերին պաշտոնապես կներկայացվի ՀՀ կառավարություն, այն պետք է քննարկի, հաստատի կառավարությունում, դրա հիման վրա կայացվի կառավարության որոշում, որին կհաջորդի մի շարք կառույցների հետ պայմանագրերի կնքման գործընթաց: Վերը նշված գործընթացներով պայմանավորված ՝ ծրագրի իրականացման հստակ ժամկետ Իսրայել-Հայաստան առեւտրային պալատի նախագահ Ցվի Կան-Տորին դժվարացավ նշել: Քաղաքապետ Սամվել Բալասանյանն էլ խոսեց քաղաքի մուտքից լոգիստիկ կենտրոն տանող շրջանցող ճանապարհի կառուցման մասով տարված և ընթացքի մեջ գտնվող աշխատանքների մասին՝ ընդգծելով, որ այս պահին իրականացվում են ճանապարհի նախագծման աշխատանքները:

Ապրիլի 19-ին Գյումրու քաղաքապետ Սամվել Բալասանյանն ընդունեց Արաբական Միացյալ Էմիրությունների Արտակարգ և լիազոր դեսպան Մուհամմադ Իսա ԱլԶաաբի: Քաղաքապետը ողջունեց նորանշանակ դեսպանի այցը Գյումրի, ապա խոսեց մի շարք ծրագրերի շրջանակներում հնարավոր համագործակցության մասին, մասնավորապես, առանձնացնելով խնայողական էներգիայի, տարբեր տեսակի ապրանքների արտահանման և իրացման ոլորտը: Դեսպան Մուհամմադ Իսա ԱլԶաաբի իր հերթին խոսեց հետագա հնարավոր համագործակցության, դրա համար տարվելիք աշխատանքների մասին: Դեսպանն իր խոսքում ընդգծեց, որ Արաբական Միացյալ Եմիրություններից տարեկան մոտ 11.000 զբոսաշրջիկ է գալիս Հայաստան, շաբաթական 16 չվերթ է իրականացվում դեպի Զվարթնոց օդանավակայան: Քաղաքապետը, խոսելով տուրիզմի զարգացման ոլորտում Գյումրու ունեցած պոտենցիալի մասին, շեշտադրեց Գյումրու «Շիրակ» օդանավակայանի առկայությունը: Քաղաքապետը դեսպանին առաջարկեց քննարկել և հնարավորության դեպքում Արաբական Միացյալ Էմիրություններից դեպի «Շիրակ» օդանավակայան չվերթ իրականացնել, որն իր հերթին կնպաստի զբոսաշրջիկների թվի ավելացմանն ու տուրիզմի զարգացմանը Գյումրիում: