Այսօր՝ 29.08 ին, Գյումրու քաղաքապետ Սամվել Բալասանյանն ընդունեց 2012-2013թթ ուսումնական տարվա ոսկե մեդալակիր գյումրեցի շրջանավարտներին և թվով չորս կրթօջախների տնօրենների:

Այսուհետ Շահբազյան 8 հասցեում կգործի «Գյումրի պրինտ» տպարանը, որը բացվել է Գերմանիայում բնակվող գյումրեցի գործարար Սամվել Բադալյանի ներդրումների շնորհիվ Այստեղ սկզբնական շրջանում կաշխատեն շուրջ 20 գյումրեցիներ: Օգոստոսի 28-ին կայացել է տպարանի բացումը: Արարողությանը ներկա են գտնվել Շիրակի մարզպետ Ֆելիքս Ցոլակյանը, Գյումրու քաղաքապետ Սամվել Բալասանյանը և քաղաքապետարանի այլ աշխատակիցներ:

 Գյումրու քաղաքապետարանը, կարևորելով համայնքի տարածքի էկոլոգաերկրաբանական հետազոտությունների անցկացումը, դիմել էր ՀՀ ԳԱԱ Էկոլոգանոոսֆերային հետազոտությունների կենտրոնին՝ Գյումրի համայնքի տարածքի էկոլոգիական իրավիճակի համալիր հետազոտություն իրականացնելու նպատակով:

 Գյումրու Կենտրոնական հրապարակում օգոստոսի 23-ին տեղի ունեցավ «Խաղաղ մանկություն» խորագիրը կրող մանկական միջոցառումը: Բացի մի շարք հովանավորներից, միջոցառման կայացման համար աջակցություն էր ցուցաբերել նաև Գյումրու քաղաքապետարանը: