Հուլիսի 21-ին Գյումրու քաղաքապետ Սամվել Բալասանյանը աշխատանքային շրջայց կատարեց քաղաքում բարեկարգվող պուրակներով: Քաղաքապետը նախ եղավ Գյումրու Կայարանամերձ հրապարակում, տեղում ծանոթացավ իրականացված աշխատանքներին ու հետագա անելիքներին, տվեց համապատասխան հանձնարարականներ: Քաղաքապետն այնուհետ շրջեց Գարեգին Նժդեհ 4-րդ՝ գյումրեցիների շրջանում Տեքստիլի 68 անվամբ հայտնի շենքի բակում գտնվող այգում, որտեղ քաղաքապետարանի նախաձեռնությամբ այս պահին իրականացվում են մաքրման ու բարեկարգման աշխատանքներ:

Հուլիսի 20-ին Գյումրու քաղաքապետ Սամվել Բալասանյանը շրջայց կատարեց քաղաքի մի շարք փողոցներով, որտեղ այս պահին ընթանում են բարեկարգման աշխատանքներ: Քաղաքապետը նախ եղավ Գյումրու Մայակովսկի փողոցում (Լաչինի միջանցք), տեղում ծանոթացավ իրականացված աշխատանքներին, զրուցեց տարածքում առևտուր անող քաղաքացիների հետ, լսեց նրանց կարծիքները: 

Հունիսի 13-ին Գյումրու քաղաքապետ Սամվել Բալասանյանն ընդունեց գյումրեցի սաքսոֆոնահար, 14-ամյա Ավետիս Հովսեփյանին: Երիտասարդ երաժիշտը Ճապոնիայում Հայաստանի Հանրապետության դեսպան Հրանտ Պողոսյանի նախաձեռնությամբ, սույն թվականի հուլիսի 8-ին Ճապոնիայի Նագոյա քաղաքում մասնակցել է Ստեֆանի Թոփալյանի համերգ-ճաշկերույթին: Ճաշկերույթի կազմակերպման նպատակը եղել է կազմակերպել հանգանակություն՝ Գյումրու քաղաքապետարանի ենթակայության Ա.Բրուտյանի անվան երաժշտական դպրոցին աջակցություն ցուցաբերելը: Համերգ-ճաշկերույթին Ավետիս Հովսեփյանը կատարել է երեք ստեղծագործություն՝ հայկական, դասական և ջազային:

Հուլիսի 12-ին Գյումրու քաղաքապետ Սամվել Բալասանյանն ընդունեց օրեր առաջ Վենսուելայում կայացած APB-ի և WSB-ի պրոֆեսիոնալ բռնցքամարտիկների վարկանիշային մրցաշարում օլիմպիական խաղերի ուղեգիր նվաճած բռնցքամարտիկ Հովհաննես Բաչկովին: Քաղաքապետը ողջունեց ներկաներին ու շնորհավորեց գյումրեցի մարզիկին՝ գրանցած հաջողության համար: Քաղաքապետն իր խոսքում ընդգծեց՝ 2016թ.-ի Ռիո դե Ժանեյրոյում կայանալիք Օլիմպիական խաղերին ընդառաջ Գյումրին շատ լուրջ հաջողություններ ունի: